Kryeministri Edi Rama ka dhënë një tjetër sinjal se projekti për krijimin e një Shteti Bektashi në Shqipëri mbetet në axhendën e qeverisë.
Gjatë pjesëmarrjes në Forumin e Paqes në Paris, kreu i qeverisë është pyetur nga gazetarët lidhur me ecurinë e kësaj nisme, për të cilën kishte folur edhe më herët.
Në përgjigjen e tij, Rama konfirmoi se puna për realizimin e projektit vijon, por nuk dha detaje të tjera mbi hapat konkretë apo afatet e mundshme të tij.
“Po punojmë për Shtetin Bektashi dhe le të shohim se ku do të mbërrijmë”, deklaroi kryeministri nga Parisi.
Nisma për krijimin e një shteti sovran të Urdhrit Bektashi në Tiranë u prezantua nga Rama në shtator të vitit 2024. Projekti parashikon një entitet të veçantë me administrim të vetin, të lidhur me selinë botërore të bektashinjve.
Lexo gjithashtu
Deklarata e fundit e kryeministrit tregon se kjo ide nuk është braktisur, ndërsa mbetet për t’u parë nëse dhe si do të konkretizohet në të ardhmen.
