Një ngjarje e rëndë është regjistruar mbrëmjen e sotme në fshatin Rrushkull, në njësinë administrative Manzë të Durrësit, ku një 37-vjeçar dyshohet se ka sulmuar me sëpatë dy prindërit e tij.
Sipas informacioneve paraprake, i dyshuari, Emir K., banor i këtij fshati, ka goditur disa herë nënën e tij, Farie K., 69 vjeçe, dhe babanë, Sali K., 72 vjeç, duke i lënë të plagosur rëndë.
Çifti është transportuar me urgjencë drejt spitalit, ku po merr ndihmën e nevojshme mjekësore. Gjendja shëndetësore e të dyve raportohet e rëndë.
Burime policore bëjnë me dije se 37-vjeçari dyshohet se ka probleme të shëndetit mendor, ndërsa kjo rrethanë pritet të verifikohet gjatë hetimeve.
Pas ngjarjes, forcat e Policisë së Durrësit kanë ndërhyrë në vendin e ngjarjes dhe kanë bërë të mundur kapjen dhe ndalimin e të dyshuarit.
Lexo gjithashtu
Ndërkohë, grupi hetimor po punon për të zbardhur plotësisht rrethanat e ngjarjes dhe motivet që çuan në këtë akt të rëndë.
