Rezultatet e zgjedhjeve afatmesme në Shtetet e Bashkuara kanë nxitur diskutime për ndryshimet e ndjeshme në sjelljen elektorale, veçanërisht në Teksas dhe në mijëra qarqe të tjera të vendit.
Sipas një analize të publikuar nga Reuters, në rreth 2 100 qarqe ku ishin numëruar shumica e votave, republikanët kanë humbur terren krahasuar me zgjedhjet presidenciale të vitit 2024. Në afërsisht 99% të këtyre qarqeve, pjesa e votës republikane ka shënuar rënie, me një mesatare prej rreth 9 pikësh përqindjeje.
Këto ndryshime kanë nxitur pretendime në rrjetet sociale për një rritje të pazakontë të votave demokrate, ndërsa disa komentues kanë ngritur dyshime mbi mënyrën se si janë krijuar këto diferenca.
Një vëmendje e veçantë i është kushtuar Teksasit, ku numri i votuesve të regjistruar ka arritur në rreth 19 milionë, me një rritje prej afro 418 mijë regjistrimesh krahasuar me vitin 2024. Pjesëmarrja është rritur veçanërisht në zonat urbane dhe në qarqet përgjatë kufirit me Meksikën.
Megjithatë, pretendimet se votues të rinj demokratë janë shfaqur artificialisht apo se rezultatet janë manipuluar nuk janë mbështetur deri më tani me prova konkrete.
Lexo gjithashtu
Po ashtu, në rrjetet sociale po qarkullojnë pretendime se probabiliteti statistikor i këtyre lëvizjeve është një në disa trilionë, por nuk është publikuar një studim i verifikueshëm që të vërtetojë këtë shifër.
JUST IN: Midterm numbers now showing statistically impossible swings in Texas and all over the country.
— Commentary Trump Daily Posts (@TrumpDailyPosts) November 5, 2026
And it wasn't people moving from Republicans to Democrats or staying home as they tried to say. Magically new democrat voters in masses appeared out of thin air.
Analyses… pic.twitter.com/eafyl4O7OF
