Romelu Lukaku ka vendosur të mbyllë karrierën e tij me Kombëtaren e Belgjikës, duke i dhënë fund një rrugëtimi 16-vjeçar me fanellën kuqezi.
Sulmuesi 33-vjeçar largohet nga përfaqësuesja me një bilanc të jashtëzakonshëm: 135 ndeshje dhe 94 gola, duke mbajtur rekordin si golashënuesi më i mirë në historinë e futbollit belg.
Lajmin e ka bërë të ditur vetë futbollisti përmes një postimi në rrjetet sociale, ku ka falënderuar shokët e skuadrës, trajnerët dhe tifozët që e kanë shoqëruar gjatë këtij rrugëtimi.
“Për këto 16 vite i kam dhënë gjithçka Kombëtares. Kam përjetuar çdo emocion të mundshëm. Kam luajtur me shokë të jashtëzakonshëm skuadre, për të cilët do të jem gjithmonë mirënjohës. Ishte një rrugëtim i bukur dhe e shijova çdo moment”, shkroi Lukaku.
Kështu, një prej figurave më të rëndësishme të futbollit belg i thotë lamtumirë kombëtares, duke lënë pas një trashëgimi të jashtëzakonshme.