Olivia Jones, një nga drag queen-et më të njohura në Gjermani, ka rikonfirmuar interesin për të marrë postin e presidentes federale të vendit.
Në një intervistë për median gjermane t-online, ajo deklaroi se do ta konsideronte me kënaqësi këtë mundësi dhe se do ta ushtronte detyrën me shumë zemër.
Jones e sheh një presidente drag queen si një mesazh për demokracinë dhe diversitetin në një kohë kur, sipas saj, këto vlera po përballen me kërcënime në shumë vende të botës.
Ajo nuk është shprehur për herë të parë për këtë ambicie.
Që në vitin 2017 kishte deklaruar publikisht se dëshironte të bëhej presidente e Gjermanisë. Në atë kohë kishte qenë edhe anëtare e Asamblesë Federale që zgjodhi Frank-Walter Steinmeier.
