Poetja e njohur Mimoza Ahmeti ka komentuar protestat studentore që po zhvillohen në Tiranë, duke shprehur mendimin se studentët nuk e kanë të qartë se për çfarë po protestojnë.
Në një intervistë për emisionin Andale, Ahmeti u është përgjigjur edhe atyre që e kanë pyetur se përse nuk i është bashkuar protestës.
Duke folur për përvojën e saj në sociologji, poetja u ndal te shprehja e pakënaqësisë nga ana e studentëve, të cilët, sipas saj, pranojnë se nuk kanë një ide të qartë për kërkesat e tyre.
“Unë në rrugë, Mimoza Ahmeti, që jam një profesore që e njeh sociologjinë si origjinë teorikisht, se praktika është gjë tjetër. E njoh në majë të gishtave dhe të më shoqërojnë studentë të cilët thonë: ‘Nuk jemi shumë të qartë, por jemi të pakënaqur’”, u shpreh ajo.
Ahmeti vijoi komentin e saj duke vënë në pikëpyetje rolin e studentëve në proceset shoqërore dhe ndikimin që, sipas saj, kanë ata në ndryshimin e shoqërisë.
Lexo gjithashtu
“Studentët që nuk punojnë janë në anekset e shoqërisë, pra janë në pritje. Nuk janë ata njerëz që e riprodhojnë shoqërinë, që u del fjala nga organizmi, se kanë peshën”, deklaroi poetja.
