Granit Xhaka nuk do të jetë në dispozicion të Përfaqësueses së Zvicrës për dy ndeshjet e fundit të këtij cikli në Ligën e Kombeve.
Mesfushori i Sunderlandit ka pësuar një dëmtim në pulpë gjatë përballjes ndaj Chelseat, duke u detyruar të qëndrojë jashtë fushave në një moment të rëndësishëm të sezonit.
Kapiteni i Zvicrës pritej të rikthehej në grumbullimin e kombëtares, pas mungesës së mëparshme, e cila ishte shoqëruar me polemika për shkak të çështjes së një certifikate të falsifikuar të COVID-19.
Megjithatë, dëmtimi i fundit i ka prishur planet për rikthimin e tij. Xhaka i është nënshtruar ekzaminimeve me rezonancë magnetike për të përcaktuar shkallën e dëmtimit, por pritshmëritë janë që ai të mos jetë i gatshëm për sfidat ndaj Sllovenisë dhe Skocisë.
Mungesa e mesfushorit përbën një goditje për përfaqësuesen helvete, pasi bëhet fjalë për një nga lojtarët më të rëndësishëm të skuadrës dhe një lider të padiskutueshëm në fushën e lojës.
