Një përplasje e re politike ka përfshirë Partinë Demokrate në SHBA, pasi kongresmenja nga Miçigani, Haley Stevens, ka dalë publikisht në mbështetje të kandidatit republikan për Senat, Mike Rogers, duke shkaktuar pakënaqësi brenda radhëve të partisë së saj.
Stevens bëri të ditur vendimin përmes një videoje të publikuar në rrjetet sociale, ku shpjegoi arsyet e qëndrimit të saj. Ajo refuzoi të mbështesë kandidatin demokrat Abdul El-Sayed, i cili e kishte mundur në zgjedhjet paraprake të partisë, duke e akuzuar atë për përdorim të retorikës së urrejtjes në lidhje me qëndrimet e tij pro-palestineze.
Deklarata e kongresmenes shkaktoi reagime të menjëhershme në kampin demokrat. Udhëheqësi i shumicës demokrate në Senat, Chuck Schumer, e kritikoi ashpër këtë vendim, duke e cilësuar si një akt tradhtie ndaj partisë.
Në krahun tjetër, presidenti Donald Trump e mirëpriti publikisht qëndrimin e Stevens, duke e përshëndetur vendimin e saj përmes një postimi në rrjetet sociale.
Përplasja pati pasoja edhe në strukturat lokale të demokratëve në Miçigan. Partia Demokrate e këtij shteti njoftoi përjashtimin e Stevens nga organizimi i saj lokal, ndërsa kongresmenja këmbënguli se vazhdon të jetë anëtare e Partisë Demokrate.
Lexo gjithashtu
Ky zhvillim ka thelluar tensionet brenda demokratëve në një moment të rëndësishëm politik, teksa vendi po përgatitet për zgjedhjet e mesmandatit.
