Këngëtarja e njohur shqiptare Elsa Lila ka reaguar me dhimbje pas lajmit për ndarjen nga jeta të avokatit Saimir Vishaj, i cili ishte daja i saj.
Përmes një postimi në rrjetet sociale, artistja ka ndarë trishtimin për humbjen e familjarit, duke publikuar edhe një mesazh prekës në nderim të tij.
“Nuk mendoja kurrë që do të ndaja lajmin e ikjes tënde, Daja Saimir! Me hidhërim të thellë, ku presim në Funeral Alba 2000 për përshëndetjen e fundit”, ka shkruar Elsa Lila.
Avokati Saimir Vishaj u nda nga jeta në moshën 60-vjeçare. Ai ishte rrëzuar në banesë dhe kishte përfunduar në gjendje kome, por fatkeqësisht nuk arriti të mbijetonte.
Lajmi për vdekjen e tij ka sjellë reagime dhe mesazhe ngushëllimi, ndërsa mesazhi i mbesës së tij, Elsa Lila, përcjell dhimbjen e një humbjeje të rëndë familjare.
