Kryeministri Edi Rama ka reaguar sërish pas protestës në Tiranë dhe plagosjes së Erjon Vishkullit, i cili u godit në sy nga një plumb gome. Rama dënoi aktet e dhunës, kritikoi organizatorët dhe nxitësit e protestës, ndërsa bëri të ditur se ishte angazhuar për sigurimin e trajtimit të të riut në Itali dhe transportit të tij me avion mjekësor.
Përmes një reagimi në rrjetet sociale, kryeministri u shpreh se pjesëmarrja në protesta të dhunshme paraqet rrezik jo vetëm për personat që kryejnë akte dhune, por edhe për të tjerët që ndodhen pranë tyre.
Kryeministri deklaroi se i vjen keq për çdo person që pëson lëndime fizike gjatë protestave, përfshirë edhe ata që, sipas tij, përfshihen në akte dhune. Duke iu referuar rastit të Erjon Vishkullit, Rama theksoi se ngjarja duhet të shërbejë si një paralajmërim për të gjithë, veçanërisht për personat që, sipas tij, nxisin përplasjet.
“Kjo është një pyetje retorike dhe lëndimi i djalit nga Elbasani duhet të jetë një këmbanë alarmi për të gjithë, po mbi të gjitha për nxitësit e dhunës”, deklaroi kryeministri.
Në reagimin e tij, kryeministri bëri të ditur se ishte angazhuar personalisht për organizimin e trajtimit mjekësor të Vishkullit në Itali, si dhe për transportin e tij me një avion të posaçëm mjekësor.
Lexo gjithashtu
Më tej, ai iu drejtua me tone të ashpra personave që, sipas tij, po e përdorin politikisht plagosjen e të riut.
Postimi i plotë:
Pjesëmarrja në protestat e dhunshme është sigurisht e rrezikshme edhe për vetë dhunuesit dhe ata që rrinë rrotull tyre, aq më tepër kur dihet tanimë edhe botërisht që në këto protesta është edhe dora e një matufi maniak me një biografi të pasur me zjarrvënie e me gjakderdhje👺
Më vjen shumë keq kur kushdoqoftë lëndohet fizikisht, qoftë edhe një protestues i dhunshëm, por si mund të shmanget çdo lëndim i mundshëm nëse dhuna e dikton natyrën e një proteste?!
Kjo është një pyetje retorike dhe lëndimi i djalit nga Elbasani duhet të jetë një këmbanë alarmi për të gjithë, po mbi të gjitha për nxitësit e dhunës që propagandojnë nga ekranet e korruptuara televizive dhe nga pasqyrat e tyre sociale apo më zi akoma që paguajnë për mish për top lloj-lloj individësh, nga kriminelë, te djem të paditur e deri te fëmijë të mitur🤡
Pasi jam marrë personalisht që mbrëmë me sigurimin e kurimit të djalit në spitalin më të mirë të Italisë, si edhe të transportit me një avion charter mjekësor, u them të gjithë atyre që po e keqpërdorin si të tërbuar syrin e plagosur të tij për të nxitur më tej dhunën:
Ju jeni errësira që i mbylli atij djali dritën e syrit!
Ju jeni gishtat dhe thonjtë e dorës së malkimit që e përndjek Shqipërinë qysh në 1912-ën, duke ia mbyllur sytë sa herë ky vend sheh dritë!
Po këtë herë jeni të humbur, sepse drita e Shqipërisë është sot ku e ku më e madhe se sa errësira dhe ju jeni gjithnjë e më pak, prandaj edhe po dhunoni, digjni e shkatërroni me urrejtjen e pangushëllueshme të asaj dore, por duke ua kujtuar më mirë se kurrë shqiptarëve se kush jeni.
Dhe shqiptarët s’do t’ua falin. Prisni dhe shikon
