Arresti për kreun e SHISH, Vlora Hyseni e akuzuar se ndihmoi Ergys Agasin gjatë arratisë, përplasi opozitën dhe mazhorancën në seancë plenare. Partia Demokratike kërkoi ndryshimin e rendit të ditës dhe debat për rastin e SHISH, duke thënë se është cenuar siguria kombëtare. Por kërkesa u rrëzua nga shumica socialiste dhe deputetët e opozitës bllokuan foltoren, duke sjellë edhe ndërprerjen e seancës për 10 minuta.
Edhe pas rinisjes së seancës, deputetët demokratë ende e mbanin të rrethuar foltoren.
Sali Berisha akuzoi Hysenin si shërbëtore të krimit dhe kërkuan dorëheqjen e kryeministrit Rama, i cili ndodhet në SHBA për asamblenë e OKB-së.
Mazhoranca iu përgjigj akuzave duke theksuar se përgjegjësia penale është individuale dhe se qeveria ka e ka marrë përgjegjësinë politike me vendimin për shkarkimin e saj nga drejtimi i SHISH.
Sakaq Jorida Tabaku bëri thirrje në parlament që mazhoranca të flasë për arrestimin e ish-kreut të SHISH, Vlora Hysenit dhe të jetë prioritet siguria kombëtare.
