Rama për progres raportin e BE-së: Shqipëria vlerësohet më lart se kurrë më parë

Kryeministri Edi Rama ka reaguar përmes një postimi në platformën X lidhur me raportin vjetor të progresit të Komisionit Europian për Shqipërinë, duke e cilësuar vlerësimin e këtij viti si më të lartin e arritur ndonjëherë nga vendi.

Rama e përshkroi publikimin e raportit si një moment krenarie për Shqipërinë dhe një dëshmi të përparimit në procesin e integrimit europian.

Në reagimin e tij, kryeministri theksoi se raporti përmban vlerësime inkurajuese për Shqipërinë, por nënvizoi se mbeten ende shumë detyra për t’u përmbushur, ndërsa afatet e negociatave po afrohen.

Një tjetër moment krenarie për Shqipërinë Europiane. Një tjetër dëftesë notash domethënëse dhe inkurajuese nga Komisioni Europian. Një tjetër hap përpara drejt objektivit historik të bashkimit me Europën”, shkroi Rama.

Ai theksoi se vlerësimi pozitiv i Komisionit Europian nuk i zbeh problematikat me të cilat përballet vendi në jetën e përditshme. Sipas tij, këto çështje do të vijojnë të jenë në vëmendjen e qeverisë dhe shumicës parlamentare.

Lexo gjithashtu

Tensione e përplasje në protestat në Paris, dhjetëra mijëra në sheshet e vendit

Progres-Raporti i KE: Shqiptarët paguajnë nga xhepi 48% të shpenzimeve shëndetësore, 3 herë më shumë se mesatarja e BE

Skenarët për Iranin, Izraelin e Ukrainën/ Çfarë do të ndodhë me vatrat e luftës në botë pas zgjedhjeve të mes mandatit në SHBA?

“Ekspertiza e pavlefshme’/ Seanca në GJKKO, Kryemadhi kërkon thirrjen si dëshmitarë të Ramës e Agaçit

Rama: Doli Raporti Vjetor i Progresit. Shqipëria vlerësohet më lart se sa asnjëherë më parë.

Një tjetër moment krenarie për Shqipërinë Europiane.
Një tjetër dëftesë notash domethënëse dhe inkurajuese nga Komisioni Europian.
Një tjetër hap përpara drejt objektivit historik të bashkimit me Europën.

Por detyrat përpara nesh janë ende të shumta, kurse koha e kalendarit të ngjeshur të negociatave gjithnjë e më e ngushtë.

Dhe ky vlerësim nuk i bën as më të vogla, as më pak aktuale problematikat e jetës së përditshme të vendit, të cilat kanë pasur, kanë dhe do të kenë të gjithë vëmendjen time, të qeverisë, të shumicës parlamentare. Përkundrazi, vlerësimi i lartë i raportit të sotëm na motivon për të bërë ende më shumë dhe për t’i bërë gjërat ende më mirë.

Momenti është optimal. Dera e BE është e hapur dhe mundësia e hyrjes është më reale se kurrë. Historia nuk do të na e falte kurrësesi mbytjen në lugën e ujit të pistë të dasive, mllefeve e gjelozive që e kanë penguar vazhdimisht Shqipërinë të ngrihet në lartësinë e potencialit të saj.