Studentët pritet të rikthehen sërish në protestë këtë të mërkurë, një ditë pas tubimit të djeshëm që u shoqërua me tensione dhe përplasje mes protestuesve dhe policisë. Gjatë protestës së së martës pati të plagosur, si nga radhët e protestuesve, ashtu edhe nga efektivët e policisë.
Pavarësisht situatës së krijuar një ditë më parë, studentët kanë paralajmëruar se do të mblidhen sërish sot para Ministrisë së Arsimit, për të vijuar protestën e tyre.
Njoftimi për tubimin e radhës është shpërndarë në një grup në WhatsApp, ku studentët janë informuar për organizimin e protestës së kësaj të mërkure, sërish në protestë.
“SA MË SHUMË POLICI, AQ MË SHUMË STUDENTE!
STUDENTË NGA E GJITHË SHQIPËRIA, BASHKOHUNI NESËR SËRISH! Ministria e Arsimit, Tiranë
14 TETOR 14:00“, thuhet në njoftim.
Deri më tani, nga informacionet e bëra publike, nuk janë dhënë detaje të tjera mbi numrin e pjesëmarrësve apo kohëzgjatjen e tubimit.
Lexo gjithashtu
Protesta e sotme vjen në një klimë tensioni pas ngjarjeve të djeshme, ku situata mes policisë dhe protestuesve u përshkallëzua, duke sjellë edhe të lënduar. Pritet të shihet nëse tubimi do të zhvillohet pa incidente dhe nëse do të ketë një reagim nga institucionet përkatëse.
Studentët pritet të mblidhen para Ministrisë së Arsimit, ndërsa zhvillimet e protestës dhe qëndrimet e tyre mbeten për t’u ndjekur gjatë ditës.
