Kryeministri Edi Rama ka prezantuar para deputetëve të Partisë Socialiste paketën e masave ligjore të paralajmëruara një ditë më parë, që synojnë ndëshkimin e personave të përfshirë në akte dhune gjatë protestave.
Prezantimi vjen në një kohë kur prej dy javësh studentët dhe qytetarët po protestojnë, duke kërkuar edhe dorëheqjen e kryeministrit.
Gjatë mbledhjes së Grupit Parlamentar të PS-së, Rama është ndalur edhe te projektbuxheti, i cili, sipas tij, pritet të kalojë në mbledhjen e qeverisë brenda kësaj jave.
Paketa e masave për protestat dhe projektbuxheti pritet të jenë në fokus të diskutimeve të mazhorancës.
