Juventusi ka triumfuar 2-0 ndaj Napolit në një përballje të rëndësishme të javës së 10-të të Serie A. Në suksesin e bardhezinjve, protagonist ishte edhe Edon Zhegrova, i cili dha asistin për golin e parë të ndeshjes.
Pas një pjese të parë pa gola, sfida u zhbllokua në minutën e 70-të. Zhegrova shërbeu për talentin Kerim Alajbegović, i cili dërgoi topin në rrjetë dhe kaloi Juventusin në avantazh.
Bardhezinjtë vulosën fitoren në minutën e 87-të, kur Jérémie Boga shënoi golin e dytë, pas asistit të Andrea Cambiaso.
Kështu, Juventusi siguroi tri pikë të rëndësishme përballë Napolit, ndërsa Zhegrova la gjurmën e tij në këtë sukses me një asist vendimtar. Futbollisti nga Kosova vazhdon të kërkojë më shumë hapësira dhe të shfrytëzojë mundësitë që i jepen me fanellën bardhezi.
