Samuel Ryan Springsteen, djali më i vogël i legjendës së muzikës Bruce Springsteen dhe këngëtares Patti Scialfa, ka zgjedhur një profesion krejt të ndryshëm nga ai i prindërve të tij: zjarrfikësin.
32-vjeçari u rrit në një familje të njohur në botën e muzikës, por ëndrra e tij ishte të shërbente në një tjetër fushë. Për ta realizuar atë, Samuel iu përkushtua përgatitjes dhe përfundoi Akademinë e Zjarrfikësve të Qarkut Monmouth, SHBA.
Lajmin për diplomimin e tij e bëri të ditur nëna, Patti Scialfa, më 15 janar 2014, përmes një postimi në Instagram.
Pas përfundimit të akademisë, Henry Stryker III, përgjegjës i shërbimit zjarrfikës në qarkun Monmouth, vlerësoi përkushtimin e të riut, duke theksuar se ai ishte inteligjent dhe e pëlqente punën që kishte zgjedhur.
Samuel është më i vogli i tre fëmijëve të çiftit, të cilët kanë gjithashtu djalin Evan dhe vajzën Jessica. Ndryshe nga prindërit e tij, të cilët kanë ndërtuar karriera të suksesshme në muzikë, ai vendosi të ndiqte pasionin e vet, duke zgjedhur një profesion që i shërben komunitetit.
