Aktori dhe komediani i njohur britanik Russell Brand është dënuar me 10 vite e gjashtë muaj burg, pasi u shpall fajtor për përdhunimin e një gruaje dhe sulmin seksual ndaj tri grave të tjera.
Vendimi u shpall këtë të hënë nga gjyqtari Joel Bennathan, i cili gjatë seancës nuk i kurseu kritikat ndaj sjelljes së aktorit, duke e përshkruar atë si një person që kishte treguar përbuzje dhe arrogancë ndaj grave që refuzonin të kryenin marrëdhënie seksuale me të.
Gjatë leximit të vendimit, gjyqtari iu referua edhe periudhës kur Brand po fitonte famë në botën e televizionit dhe komedisë, duke theksuar kontrastin mes imazhit të tij publik dhe sjelljes për të cilën u shpall fajtor.
“Rreth 20 vjet më parë, Russell Brand, ti po bëheshe i famshëm. Ishe i zgjuar dhe, në sytë e shumë njerëzve, qesharak dhe karizmatik. Por ishe bërë gjithashtu një grabitqar seksual”, deklaroi gjyqtari.
Dënimi shënon një goditje të rëndë për aktorin britanik, i cili për vite me radhë ishte një nga figurat më të njohura të televizionit dhe industrisë së argëtimit.
Lexo gjithashtu
Çështja ka tërhequr vëmendje të madhe publike, për shkak të profilit të njohur të Brand dhe rëndësisë së akuzave që çuan në dënimin e tij.
