Seanca plenare e së enjtes është shoqëruar me tensione, pasi deputetët e opozitës kanë bllokuar foltoren e Kuvendit. Situata ka kërkuar ndërhyrjen e punonjësve të Gardës së Republikës, duke sjellë edhe përplasje fizike me deputetë të Partisë Demokratike.
Në pamjet e regjistruara gjatë seancës shihen momentet e tensionit mes deputetëve demokratë dhe punonjësve të Gardës.
Në një moment, deputetja e PD-së, Greta Bardeli, shfaqet me një pankartë në dorë, teksa tenton të qëndrojë në karriget ku ulen ministrat. Në këtë moment ndërhyjnë punonjësit e Gardës, të cilët nuk e lejojnë të qëndrojë aty.
Gjatë ndërhyrjes, në sfond dëgjohen deputetë të opozitës duke thirrur: “Mos e shty, mos e prek me dorë”.
Në një tjetër moment të regjistruar, deputeti i PD-së, Beldi Himçi, shihet duke u përplasur me punonjësit e Gardës.
