Rusia ka paralajmëruar se mund të përdorë edhe armë bërthamore nëse NATO përpiqet të izolojë Kaliningradin. Kjo mund të kthehet në një tjetër pikë të nxehtë midis Moskës dhe aleancës, pasi ekspertët paralajmërojnë se territori tashmë po përdoret për të ushtruar presion mbi Evropën përmes luftës hibride.
Sipas Reuters Moska ka paralajmërua NATO-n në një dokument diplomatik se ishte e përgatitur të përdorte “të gjithë arsenalin e forcave dhe kapaciteteve në dispozicion të saj, duke përfshirë armët bërthamore” nëse anëtarët e aleancës përpiqeshin të izolonin Kaliningradin nga pjesa tjetër e Rusisë
Kaliningradi, një territor rus i ndarë gjeografikisht nga kontinenti rus, ndodhet në Detin Baltik midis anëtarëve të NATO-s, Polonisë dhe Lituanisë, dhe strehon asete të rëndësishme ushtarake ruse, duke përfshirë elementë të Flotës Baltike të Moskës.
NATO i hodhi poshtë pretendimet e Moskës në një përgjigje të shqyrtuar nga Fox Neës, duke deklaruar se aleanca është mbrojtëse dhe se asnjë nga stërvitjet apo aktivitetet e saj nuk e kërcënon territorin rus. Aleanca gjithashtu i bëri thirrje Rusisë që të ndalojë “retorikën e saj të papërgjegjshme bërthamore”.
