Aeroporti Ndërkombëtar “Nënë Tereza” në Rinas është përfshirë nga flakët rreth orës 06:40 të mëngjesit të sotëm. Sipas informacioneve tw marra, një tabelë elektronike që kishte marrë flakë paralizoi për pak minuta punën në Aeroportin e Rinasit.
Ky zjarr ka ndalur për pak minuta edhe punën në sportelet e ‘Check-In’ ne Aeroport, ndersa nderhyrja e forcave të shërbimit zjarrëfikës riktheu situaten në normalitet.
Sakaq aeroporti i Tiranës tregoi ngjarjen dhe bën me dije se situata i është rikthyer normalitetit.
“Aeroporti Ndërkombëtar i Tiranës njofton publikun dhe pasagjerët se sot, rreth orës 6:30 të mëngjesit, një tabelë reklamuese në ambientet e aeroportit është përfshirë nga flakët si pasojë e një shkëndije elektrike. Menjëherë pas konstatimit të ngjarjes u aktivizuan protokollet e emergjencës.
Lexo gjithashtu
Forcat e sigurisë dhe shërbimit zjarrëfikës pranë Aeroportit ndërhynë në kohë rekord për të izoluar zonën e prekur, duke evakuuar përkohësisht pasagjerët pranë vatrës dhe duke fikur zjarrin me sukses. Për të garantuar mbarëvajtjen e proceseve dhe për të mos krijuar radhë, u morën masa të menjëhershme operacionale duke shtuar numrin e sporteleve të regjistrimit në shërbim të udhëtarëve. Falë ndërhyrjes efikase dhe të shpejtë, situata u rikthye në normalitet të plotë brenda pak minutash”.
