Një 49-vjeçar me precedentë të mëparshëm penalë për krime kundër jetës dhe armëmbajtje pa leje është arrestuar në Tiranë, pasi u kap duke transportuar një armë zjarri me motomjet.
Arrestimi u krye në kuadër të operacionit policor të koduar “Eksponenti”, të finalizuar nga specialistët e Seksionit për Hetimin e Trafiqeve, në bashkëpunim me Forcën e Posaçme “Shqiponja”. Në pranga ka rënë shtetasi E. D., 49 vjeç, banues në Tiranë.
Sipas Policisë, motomjeti me të cilin lëvizte 49-vjeçari u ndalua për kontroll në Rrugën e Elbasanit. Gjatë kontrollit u gjet një pistoletë me municion, të cilën ai dyshohet se synonte ta shiste.
Kontrollet vijuan edhe në banesën e tij, ku u gjet dhe u sekuestrua një jelek antiplumb.
Njoftimi i policisë:
Lexo gjithashtu
Tiranë/Finalizohet operacioni policor i koduar“Eksponenti”
Arrestohet në Rrugën e Elbasanit, duke transportuar armë zjarri, me motomjet, një 49-vjeçar me precedent të theksuar për krime kundër jetës dhe për armëmbajtje.
Sekuestrohen 1 armë zjarri (pistoletë) me municion, jeleku antiplumb që i arrestuari kishte në banesë, si dhe motomjeti dhe celulari i tij.
Specialistët e Seksionit për Hetimin e Trafiqeve, në bashkëpunim me shërbimet e Forcës së Posaçme “Shqiponja”, si rezultat i administrimit të shpejtë të informacioneve të siguruara gjatë punës operative, finalizuan operacionin e koduar “Eksponenti”, në kuadër të të cilit u arrestua në flagrancë shtetasi E. D., 49 vjeç, banues në Tiranë.
Motomjeti me të cilin lëvizte ky shtetas, u ndalua për kontroll në Rrugën e Elbasanit.
Gjatë kontrollit në të, u gjet 1 armë zjarri (pistoletë) me municion, të cilën dyshohet se shtetasi E. D. do ta trafikonte.
Më tej, gjatë kontrollit në banesën e këtij shtetasi, u gjet 1 jelek antiplumb.
Materialet procedurale iu referuan Prokurorisë, për veprime të mëtejshme
