Deputetes socialiste Elisa Spiropali i është rikthyer llogaria në Facebook, pas disa ditësh gjatë të cilave profili i saj kishte qenë i bllokuar.
Pas rikthimit të faqes, Spiropali ka reaguar përmes një postimi, ku u është drejtuar ndjekësve me një mesazh optimist.
“Mbrëmje të qetë dhe mos harroni, s’ka natë që s’ka të gdhirë, sado qoftë e gjatë. Faqja u kthye dhe mund të më shkruani si gjithmonë”, shkruan ajo.
Ndërkohë, gjatë seancës plenare të së enjtes, e zhvilluar në një klimë tensionesh dhe protestash nga opozita, Spiropali u caktua anëtare e Komitetit Parlamentar të Stabilizim-Asociimit.
Vendimi u bë i ditur nga drejtuesi i seancës, Niko Peleshi, gjatë prezantimit të ndryshimeve në përbërjen e delegacioneve parlamentare.
