Ambasada Gjermane mban të njëjtin qëndrim si Delegacioni i BE-së, i cili, në postimin e tij, ka shprehur shqetësim për përshkallëzimin e tensioneve mes forcave të rendit dhe të rinjve, ndërsa u ka bërë thirrje palëve të ulin tensionet.
Reagimi i plotë i Delegacionit të BE-së:
Ne shprehim shqetësim në lidhje me përshkallëzimin e dhunshëm të protestës në Tiranë.
Liria e tubimit dhe e shprehjes janë të drejta themelore dhe vlera thelbësore evropiane. Ato duhet të respektohen dhe të ushtrohen në mënyrë paqësore.
Ne jemi në dijeni të pretendimeve për përdorim të tepruar të dhunës nga policia ndaj protestuesve dhe gazetarëve.
Lexo gjithashtu
Presim që veprimet e policisë të jenë proporcionale dhe të respektojnë të drejtat themelore, siç edhe presim që këto raste të hetohen me përparësi.
Inkurajojmë të gjitha palët të ulin tensionet.
Dialogu konstruktiv ndërmjet të gjithë aktorëve të përfshirë është e vetmja rrugë përpara.
