Gjermania ka regjistruar një fitore të thellë 5-0 ndaj Holandës në Ligën e Kombeve, në një ndeshje ku protagonist ishte edhe Brajan Gruda. Futbollisti me origjinë shqiptare zhvilloi një paraqitje të shkëlqyer, duke kontribuar drejtpërdrejt në tre prej golave të skuadrës së Julian Nagelsmann.
Gruda e nisi takimin si titullar dhe arriti të gjente rrugën e rrjetës, duke shënuar golin e pestë të gjermanëve. Përveç golit, ai regjistroi edhe dy asistime, duke qenë një nga lojtarët më vendimtarë në këtë sukses.
22-vjeçari po fiton gjithnjë e më shumë besimin e stafit teknik të Gjermanisë. Pas golit të shënuar në fitoren 3-1 ndaj Serbisë, Gruda konfirmon edhe një herë potencialin e tij me fanellën e kombëtares gjermane.
Një mbrëmje për t’u mbajtur mend për talentin me rrënjë shqiptare, që po lë gjurmë në futbollin ndërkombëtar.