Real Madrid ka regjistruar një tjetër fitore bindëse në La Liga, duke mposhtur 4-1 Rayo Vallecanon në “Santiago Bernabeu”.
Madrilenët zhvilluan një ndeshje të kontrolluar dhe treguan edhe një herë forcën e tyre në kampionat.
Kylian Mbappe ishte protagonisti kryesor i takimit, me sulmuesin francez që realizoi dy gola. Ai zhbllokoi sfidën në minutën e 13-të, ndërsa vetëm pak minuta më vonë Álvaro Carreras dyfishoi avantazhin e Realit.
Në minutën e 34-t, Jude Bellingham shënoi golin e tretë, duke i dhënë skuadrës së tij një avantazh të konsiderueshëm që në pjesën e parë.
Rayo Vallecano reagoi pas pushimit dhe Sergio Camello shënoi në minutën e 50-të.
Lexo gjithashtu
Megjithatë, Real Madrid kontrolloi situatën dhe në fund ishte sërish Mbappe ai që vulosi rezultatin, duke realizuar golin e tij të dytë në minutën e 90-të.
Real Madrid merr një tjetër trepikësh të rëndësishëm dhe vazhdon të konfirmojë ambiciet për titullin kampion.
