Gjykata e Posaçme e Apelit ka lënë në fuqi masën e sigurisë “arrest në shtëpi” për Vlora Hysenin, ish-drejtuese e Shërbimit Informativ të Shtetit (SHISH), e cila dyshohet se ka ndihmuar Ergys Agasin gjatë kohës që ai ndodhej në arrati.
Kërkesa për ndryshimin e masës së sigurisë nuk është pranuar nga gjykata, ndaj Hyseni do të vijojë të qëndrojë në arrest shtëpie.
Më herët, me kërkesë të SPAK-ut, Gjykata e Posaçme kishte caktuar ndaj Hysenit masat e sigurisë “arrest në shtëpi” dhe “pezullim nga ushtrimi i funksioneve publike”.
Sipas dyshimeve të Prokurorisë së Posaçme, ajo ka ndihmuar Ergys Agasin duke i dhënë informacione shtetërore gjatë kohës që ai ishte në arrati, në kuadër të hetimeve për çështjen e AKSHI-t.
SPAK dyshon se Hyseni ka kryer dy vepra penale: “Përkrahja e autorit të krimit” dhe “Zbulimi i akteve ose të dhënave sekrete”.
Lexo gjithashtu
Sipas prokurorëve, janë zbuluar komunikime mes saj dhe Agasit edhe gjatë periudhës kur ky i fundit ishte në arrati.
Vendimi:
- Miratimin e Vendimit nr. 67, datë 21.09.2026 te Gjykates së Posaçme te Shkalles së Parë per Korrupsionin dhe Krimin e Organizuar, sa i takon disponimeve kundrejt Znj. V.H.
- Miratimin e Vendimit nr. 69, datě 24.09.2026 te Gjykates sě Posaçme të Shkalles së Parë per Korrupsionin dhe Krimin e Organizuar.
- Në bazë dhe për zbatim të nenit 103 te Kodit të Procedurës Penale, ndalohet publikimi i këtij vendimi deri ně mbylljen e hetimeve paraprake.
- Kundër këtij vendimi mund te bëhet rekurs në Gjykatën e Larte brenda 45 ditäve, duke nisur ky afat nga e nesërmja e njoftimit te vendimit te arsyetuar.
U shpall në Tiranë, me datë 04.11.2026.
Gjyqtar Florjan Kalaja
