Cristian Shpendi po zhvillon një sezon fantastik me fanellën e Cesena-s, duke u kthyer në një nga protagonistët kryesorë të skuadrës. Shifrat flasin vetë: sulmuesi italo-shqiptar ka realizuar 8 gola në 11 ndeshje, duke qenë autor i 72.7% të golave të shënuar nga skuadra romanjole. Një statistikë që e rendit në vendin e parë mes futbollistëve të tre kategorive profesioniste të futbollit italian.
Sipas të dhënave të publikuara nga Corriere Romagna, Shpendi lë pas Antonio Di Nardon e Juve Stabias, me 63.8% të golave të skuadrës, si dhe Gustavo Varelan e Monzas, i cili ka realizuar 9 gola në 17 paraqitje, por përfaqëson 59% të golave të ekipit të tij.
Për sulmuesin 23-vjeçar ky është starti më i mirë në karrierë sa i përket vazhdimësisë së golave në kampionat. Tashmë objektivi i radhës është të thyejë rekordin personal të golave në fazën e parë të sezonit. Shpendi ka arritur më parë kuotën e 10 golave në gjysmën e parë të kampionatit, si në Serie C me trajnerin Toscano, ashtu edhe në sezonin e tij të parë në Serie B nën drejtimin e Mignanit. Për të barazuar këtë shifër, shqiptarit i duhen edhe tre gola.
