Kryeministri Edi Rama ka përsëritur edhe sot ftesën për dialog me studentët, ndërsa protesta para Kryeministrisë vijon dhe kërkesat e protestuesve mbeten të pandryshuara.
Rama nuk ka ndryshuar qëndrimin e tij, ndërsa prej disa ditësh ka lënë përpara godinës së Kryeministrisë një gur me etiketa që simbolizojnë ftesën për dialog.
Ftesa e kryeministrit është refuzuar prej më shumë se një jave nga studentë dhe pedagogë, të cilët shprehen se nuk shohin arsye për të zhvilluar bisedime me Ramën në kushtet aktuale.
Refuzimi vjen në një klimë të tensionuar, pas përplasjeve mes protestuesve dhe policisë gjatë ditëve të fundit. Të shtunën, një 28-vjeçar u qëllua me plumb gome në sy gjatë protestës, duke shtuar shqetësimet për përdorimin e forcës nga policia.
