Kreu i Grupit Parlamentar të Partisë Socialiste, Taulant Balla, ka publikuar në rrjetet sociale disa mesazhe që, sipas tij, janë shkëmbyer në një grup në WhatsApp dhe përmbajnë udhëzime për personat që marrin pjesë në protestën në Tiranë.
Përmes një postimi në Facebook, Balla ka komentuar përmbajtjen e mesazheve me fjalinë: “Gjithçka sipas urdhrave që u jepen me mesazhe”.
Në pamjet e publikuara shfaqen mesazhe me thirrje si “Thyjani xhamat” dhe “Bashkohuni, mos ecni me terezi, rrini afër njëri-tjetrit”, të cilat pretendohet se u drejtohen protestuesve gjatë tubimit.
Publikimi vjen në një moment kur protesta në kryeqytet është shoqëruar me tensione dhe përplasje mes protestuesve dhe policisë.
Megjithatë, autenticiteti i mesazheve dhe konteksti i plotë i komunikimeve nuk janë konfirmuar në mënyrë të pavarur.
Lexo gjithashtu
