Papa Leo XIV ka mbërritur në spitalin Gemelli në Romë, ku do t’i nënshtrohet një ndërhyrjeje kirurgjikale pasditen e sotme për heqjen e një nyje të zbuluar në mushkëri.
Ati i Shenjtë mbërriti në spital rreth orës 13:08, ku u prit nga një turmë pacientësh dhe kalimtarësh. I shoqëruar nga dy sekretarët e tij, Papa përshëndeti të pranishmit përpara se të hynte në ambientet e spitalit.
Ndërhyrja do të kryhet nga ekipi i kirurgjisë torakale, i drejtuar nga profesori Stefano Margaritora.
Më 11 tetor, gjatë lutjes së Engjëllit të Zotit në Sheshin e Shën Pjetrit, Papa bëri të ditur se nyja në mushkëri ishte zbuluar gjatë kontrolleve mjekësore dhe se ishte identifikuar në një fazë shumë të hershme, e lokalizuar mirë.
“Doktorët besojnë se është e përshtatshme të ndërhyhet dhe, duke ndjekur këshillën e tyre, kam vendosur të bëj një operacion për ta hequr atë”, deklaroi Leo XIV.
Lexo gjithashtu
Ai falënderoi besimtarët për mbështetjen dhe lutjet e tyre, ndërsa bëri të ditur se ndërhyrja ishte planifikuar për ditët në vijim. Për momentin, në informacionin e publikuar nuk jepen detaje të tjera mbi ecurinë e ndërhyrjes kirurgjikale.
