Një ngjarje tragjike është regjistruar në Lipjan të Kosovës, ku një 4-vjeçar ka humbur jetën pasi është zënë poshtë nga porta e shtëpisë.
I mituri u paraqit në Qendrën Klinike dhe Universitare të Kosovës, pasi kishte pësuar lëndime të rënda. Ai kishte tentuar të hapte portën e banesës, e cila e ka zënë poshtë, duke i shkaktuar plagë të rënda.
Edhe pse iu dha ndihma e parë, i mituri nuk ka arritur t’u mbijetojë plagëve të marra dhe ka humbur jetën në ambientet e spitalit.
