Teksa studentët vijojnë protestën para Ministrisë së Arsimit, kryeministri Edi Rama ka mbërritur në godinën e Kryeministrisë.
Mësohet se këtë të mërkurë do të zhvillohet mbledhja e qeverisë, gjatë së cilës pritet të shqyrtohen disa vendime. Mbledhja, e planifikuar fillimisht për në orën 17:30, është zhvendosur për në orën 12:30.
Sipas informacioneve, ndryshimi i agjendës lidhet me anulimin e mbledhjes së grupit parlamentar, duke krijuar mundësinë që ekzekutivi të mblidhet më herët për të shqyrtuar pikat e parashikuara në rendin e ditës.
