Shpërthen çanta me drogë e eksploziv në Athinë. 4 të plagosur, mes tyre 2 policë

Një shpërthim në hyrje të një pallati në qendër të Athinës ka plagosur katër persona, mes tyre dy efektivë policie.

Në çantën që shpërtheu dyshohet se kishte drogë dhe një mjet shpërthyes të improvizuar.

Ngjarja ndodhi këtë të mërkurë, në rrugën Platonos, në zonën Kolonos të kryeqytetit grek.

Sipas raportimeve të para, administratori i pallatit kishte telefonuar policinë për të njoftuar se në hyrje të ndërtesës ishte lënë një çantë që përmbante drogë, duke kërkuar që efektivët të shkonin për ta marrë.

Dy policët që mbërritën në vendngjarje hapën çantën dhe, sipas dëshmisë fillestare të njërit prej tyre, gjetën materiale që dukeshin si drogë, një peshore dhe disa pilula.

Lexo gjithashtu

E rëndë në Gjermani/ Avioni shpërthen në ajër dhe rrëzohet në zonë të banuar. Raportohet për viktima e të plagosur

I riu shqiptar që vrau nënën në Itali, përfundon në psikiatri

SHBA e Irani pranë marrëveshjes, Teherani gatishmëri edhe për të diskutuar programin bërthamor

Si po i trajton Gjermania protestat e Brezit Z

Në rrethana ende të paqarta, një mjet shpërthyes i improvizuar që dyshohet se ndodhej brenda çantës shpërtheu, duke plagosur katër persona.

Mes të plagosurve është edhe administratori i pallatit. Të katërt u dërguan në spital për të marrë ndihmë mjekësore, ndërsa njëri prej policëve pësoi dëmtime më të rënda.

Në hetime pritet të përfshihen edhe efektivët e njësisë antiterrorizëm. Fillimisht u ngritën dyshime se mund të bëhej fjalë për një kurth të ngritur ndaj policisë, por këto dyshime më pas u zbehën.

Në vendngjarje ndërhynë edhe 18 zjarrfikës me gjashtë automjete zjarrfikëse.