Tryeza e gurtë e vendosur para Kryeministrisë qëndron prej ditësh si një ftesë e kryeministrit për dialog ndaj studentëve.
Ndërsa ka hasur në refuzimin e të rinjve, ditën e sotme në tryzën e dialogut janë ulur mbështetësit demokratë, ku kanë bërë thirrje për dorëheqjen e Edi Ramës.
Kjo tavolinë guri është nxjerrë nga kryeministri Edi Rama si një hapësirë për dialogun me studentët.
Të ulur përreth saj, demokratët kanë artikuluar thirrjet për largimin e kryeministrit Edi Rama, duke iu bashkuar kështu kërkesës së studentëve për dorëheqjen e tij.
