Deputetja e Partisë Socialiste, Elisa Spiropali, ka ndarë një mesazh të ndjerë këtë të diel, duke ia kushtuar lutjet të gjithë personave që përballen me sëmundje, familjeve të tyre dhe njerëzve që kujdesen për ta.
Përmes një publikimi në rrjetet sociale, Spiropali ka përcjellë një mesazh solidariteti dhe shprese, duke kujtuar jo vetëm të sëmurët, por edhe mjekët dhe infermierët që çdo ditë përkushtohen për t’u ardhur në ndihmë pacientëve.
“Lutjet e kësaj të diele shkojnë për të sëmurët, për familjet e tyre dhe për të gjithë ata që i duan; për mjekët dhe infermierët që kujdesen me përkushtim; për ata që janë lodhur e janë dorëzuar, për ata që ende luftojnë dhe për ata që e duan jetën aq fort, sa çdo ditë bëhet një lutje më vete”, shkruan ajo.
Në fund të mesazhit, Spiropali përcjell edhe një urim të veçantë: “Zoti qoftë me Ju”.
Një mesazh njerëzor dhe solidarizues, që këtë të diel merr në vëmendje ata që po kalojnë momente të vështira shëndetësore dhe të gjithë ata që qëndrojnë pranë tyre në betejën për jetën.
