Protestat kundër vrasjes së grave kanë vijuar edhe këtë të shtunë në Kosovë, ku qytetarë të shumtë kanë marshuar në rrugët e Prishtinës, duke kërkuar reagim të menjëhershëm institucional dhe trajtimin e femicidit si një urgjencë kombëtare.
Gjatë marshimit u lexuan letrat e Arlinda Zekajt, 49-vjeçares së vrarë më 25 tetor, të cilat ajo ua kishte drejtuar më herët institucioneve, duke kërkuar mbrojtje.
Para Ministrisë së Drejtësisë, protestuesit kërkuan shkarkimin dhe ndjekjen penale të zyrtarëve shtetërorë, të cilët, sipas tyre, neglizhuan rastin e 49-vjeçares.
