Një incident i pazakontë është regjistruar në Brazil, ku një makinë është përplasur brenda një dyqani veshjesh, pikërisht në momentin kur pronari dhe një punonjës po transmetonin drejtpërdrejt në rrjetet sociale ofertat e Black Friday.
Ngjarja ndodhi të enjten pasdite (5 nëntor), në qytetin Manaus, në shtetin e Amazonas. Momenti i përplasjes u filmua nga kamera që po përdorej për transmetimin LIVE.
Sipas Policisë, shoferja e një automjeti Jeep Renegade humbi kontrollin dhe përfundoi brenda dyqanit Guta, në rrugën Joao Valerio, në lagjen Vieiralves. Ajo u tha efektivëve se e kishte zënë gjumi gjatë drejtimit të automjetit.
Përplasja shkaktoi panik te personat që ndodheshin në dyqan, ndërsa një punonjëse mbeti e plagosur. Në vendngjarje mbërritën ekipet e Shërbimit të Urgjencës Mjekësore (Samu), të cilat i dhanë ndihmën e parë të lënduarës.
Deri më tani, nuk ka informacion nëse punonjësja është transportuar në spital apo mbi gjendjen e saj shëndetësore.
Lexo gjithashtu
Autoritetet po hetojnë rrethanat e aksidentit, ndërsa kanë në dispozicion edhe pamjet filmike që regjistruan momentin e përplasjes gjatë transmetimit të drejtpërdrejtë.
❌ Chofer echa a perder la mejor escena.
— PERIÓDICO SupreMo 🔴 (@Diario_Supremo) November 6, 2026
Conductora de un Jeep Renegade se quedó dormida al volante e invadió la fachada de la tienda de ropa durante una transmisión en vivo de promociones Blackout/Black Friday.
Una empleada resultó herida levemente en el hombro y fue atendida… pic.twitter.com/TzC1S3ltsJ
