Incidente të tjera janë regjistruar gjatë protestës së sotme në Tiranë, ku selia e Partisë Socialiste është sulmuar me gurë dhe janë thyer xhamat e godinës.
Sipas informacioneve paraprake, në momentin e sulmit policia nuk ndodhej pranë selisë rozë.
Pak çaste më vonë, efektivët hodhën gaz lotsjellës me qëllim shpërndarjen e turmës.
Ndërkohë, brenda selisë së Partisë Socialiste janë parë disa persona të maskuar dhe me shkopinj në duar, ndërsa dy të tjerë kanë qëndruar te dera e godinës, pa maska.
Raportohet se protestuesit kanë qëlluar me gurë në drejtim të efektivëve, ndërsa tensionet kanë vijuar gjatë tubimit.
Lexo gjithashtu
Polica ndërhyri me gaz lotsjellës dhe autobot me ujë duke bërë të mundur shpërndarjen e protestuesve të cilët janë shpërndarë në zonën rreth Bankës së Shqipërisë dhe Rrugës së Kavajës.
Ngjarja shënon një tjetër episod incidentesh në protestën në kryeqytet, e cila është shoqëruar me përplasje edhe pranë Ministrisë së Arsimit.
