Fronti Kombëtar (RN), partia e Marine Le Pen, ka shënuar një rritje të ndjeshme në zgjedhjet për Senatin francez, duke siguruar së bashku me aleatët një rekord prej 14 mandatesh dhe numrin e nevojshëm për të krijuar grupin e parë parlamentar të së djathtës ekstreme në këtë dhomë.
Fronti Kombëtar (RN), partia e Marine Le Pen, ka shënuar një rritje të ndjeshme në zgjedhjet për Senatin francez, duke siguruar së bashku me aleatët një rekord prej 14 mandatesh dhe numrin e nevojshëm për të krijuar grupin e parë parlamentar të së djathtës ekstreme në këtë dhomë.
Në zgjedhjet e së dielës u rinovuan 178 nga 348 vendet e Senatit. Nëntë kandidatë të RN u zgjodhën, duke iu shtuar tre senatorëve të zgjedhur në vitin 2023, ndërsa dy mandate të tjera u fituan nga aleatët e partisë së Marine Le Pen, Bashkimi i së Djathtës për Republikën (UDR), i drejtuar nga Eric Ciotti.
Pas rezultateve, Marine Le Pen e cilësoi rezultatin si një “fitore historike”, ndërsa kreu i RN-së, Jordan Bardella, deklaroi se senatorët e dy forcave do të formojnë një grup të përbashkët.
Megjithatë, rezultati nuk ndryshon në mënyrë thelbësore ekuilibrat e përgjithshëm në Senat. E djathta tradicionale dhe qendra pritet të ruajnë pozitat dominuese në dhomën e lartë të Parlamentit francez. Republikanët (LR) mbeten forca kryesore dhe pritet të ruajnë shumicën së bashku me aleatët e tyre centristë.
Lexo gjithashtu
Zgjedhjet e Senatit zhvillohen përmes një sistemi indirekt, ku senatorët zgjidhen kryesisht nga përfaqësuesit e zgjedhur vendorë. Votimi i 27 shtatorit ishte edhe procesi i fundit zgjedhor kombëtar përpara zgjedhjeve presidenciale franceze të vitit 2027, duke e bërë rezultatin veçanërisht të rëndësishëm për partitë që po përgatiten për garën presidenciale.
RN hyri për herë të parë në Senat në vitin 2014, kur partia quhej Fronti Kombëtar, me dy senatorë. Në vitin 2023 kishte fituar tre vende. Rezultati i kësaj here e çon praninë e saj në një nivel të ri në dhomën e lartë të Parlamentit francez.
