Inteligjenca artificiale mund ta zhdukë njerëzimin brenda dekadës, sipas tre studiuesve të gjigantit të kompanisë Anthropic, simotër e “Open Ai”.
Njëri prej tyre ka dhënë edhe dorëheqjen nga puna, në shenjë proteste.
Parashikimet e zymta erdhën në një seri postimesh në mediat sociale nga studiuesi Jacob Coxon. i cili tha po dorëhiqej, pasi Anthropic dhe punëdhënësi i tij i mëparshëm, OpenAI po e injoronin ose në rastin më të mirë, po e keqpërdornin përgjigjen e tyre ndaj kërcënimit.
“Asnjëra kompani nuk po vepron me përgjegjësi. Ata po vrapojnë drejt superinteligjencës që ka aftësi vetëpërmirësuese dhe po luajnë bixhoz me jetën tone. Njerëzit që po ndërtojnë inteligjencën artificiale besojnë sinqerisht se ajo mund të na vrasë të gjithëve deri në fund të dekadës. Ky nuk është një marifet marketingu. Në fund të fundit, shumë drejtues dhe studiues të lartë do t’i shprehin idetë e tyre në media në mënyrë që të duken të arsyeshme – por unë dëgjoj të njëjtët njerëz që shprehin frikë privatisht”, tha Jacob Coxon, studiues te AI
Paralajmërimet e studiuesve mbi mundësinë e zhdukjes së njerëzimit vijnë pas alarmit më konkret rreth aftësive të sigurisë kibernetike të IA-së nga Sam Altman, drejtor ekzekutiv i OpenAI-së, rivalit të Anthropic.
Lexo gjithashtu
Po ashu Senatorët amerikanë Ted Cruz dhe Bernie Sanders kërkuan masa urgjente për kontrollin e IA-së dhe miratimin e legjislacionit që vendos limite dhe standarde sigurie për teknologjinë.
Kompania Anthropic thekson se vazhdon të ndërtojë modele me mbrojtje të forta dhe përpiqet të bashkëpunojë me industrinë për të ndërtuar standarde sigurie.
Ndërsa zhvilluesit dhe ligjvënësit përpiqen të gjejnë një zgjidhje, shqetësimet për ndikimet serioze dhe afatgjata të inteligjencës artificiale, përfshirë rrezikun për ekzistencën njerëzore, po rriten në mënyrë të konsiderueshme.
