Një 53-vjeçar nga Bulqiza është gjetur i pajetë ditën e djeshme në malin e Bulqizës. Pas ekspertizës mjeko-ligjore të kryer në Tiranë, në trupin e viktimës dyshohet se është konstatuar një plagë e shkaktuar nga armë zjarri, me një predhë plumbi në zonën e gjoksit.
Fillimisht ishte raportuar se 53-vjeçari mund të ishte sulmuar nga kafshë të egra. Megjithatë, konstatimi i shenjave të një plage të mundshme me armë zjarri ka orientuar hetimet edhe drejt pistës së vrasjes.
Prokuroria dhe grupi hetimor po vijojnë punën për të zbardhur rrethanat e ngjarjes, për të përcaktuar shkakun e vdekjes dhe për të identifikuar autorin ose autorët e mundshëm.
