Gjatë seancës së sotme në Kuvend, kreu i Grupit Parlamentar të PS-së, Taulant Balla, ka propozuar që të ndryshohet rendi i ditës, ku interpelancat të mbahen në fund të seancës dhe të shqyrtohet ligji për Reformën Territoriale.
Ky propozim i Ballës solli kundërshtimin e deputetëve të opozitës. Kreu i Grupit Parlamentar të PD-së, Gazment Bardhi, dhe deputeti i Partisë Mundësia, Erald Kapri, kundërshtuan propozimin e Ballës.
Ata iu afruan foltores së Kuvendit dhe debatuan ashpër me kryetarin e Kuvendit, Niko Peleshi, ku nuk munguan as tonet e larta.
Ndërsa, me 74 vota pro, Kuvendi votoi ndryshimin e rendit të ditës, ndërsa kjo solli irritimin e mëtejshëm të deputetëve opozitarë.
