Një aksident rrugor është shënuar pranë rrethrrotullimit të Spitalit Memorial në Fier, ku janë përplasur një betoniere dhe një automjet transporti.
Si pasojë e përplasjes, betonierja ka dalë nga rruga, ndërsa njëri prej drejtuesve të mjeteve ka mbetur i dëmtuar. Ai ka pësuar një frakturë në krah dhe është transportuar në Spitalin Rajonal Fier, ku po merr ndihmën e nevojshme mjekësore.
Sipas informacioneve paraprake, i plagosuri ndodhet jashtë rrezikut për jetën.
Ndërkohë, policia ka nisur punën për të zbardhur rrethanat e aksidentit dhe për të përcaktuar shkaqet që çuan në përplasjen e dy mjeteve.
Për shkak të ngjarjes, është vështirësuar edhe qarkullimi i automjeteve në zonën pranë rrethrrotullimit të Spitalit Memorial.
