Italia do të rrisë monitorimin e sistemeve më të cenueshme të sigurisë informatike, pas sulmeve kibernetike të regjistruara gjatë ditëve të fundit. Vendimi u bë i ditur pas mbledhjes së Komitetit Kombëtar për Rendin dhe Sigurinë Publike, e zhvilluar në Ministrinë e Brendshme, në Romë.
Mbledhja u drejtua nga ministri i Brendshëm, Matteo Piantedosi, ku në fokus ishte situata e sigurisë kibernetike dhe nevoja për të forcuar mbikëqyrjen ndaj sistemeve informatike më të ekspozuara ndaj sulmeve.
Komiteti diskutoi masat që duhen ndërmarrë për të parandaluar cenimin e infrastrukturës digjitale dhe për të garantuar reagim më të shpejtë ndaj kërcënimeve të mundshme kibernetike.
Autoritetet italiane synojnë të rrisin vigjilencën, veçanërisht ndaj sistemeve që konsiderohen më të ekspozuara ndaj sulmeve, në një kohë kur incidentet kibernetike janë shtuar gjatë ditëve të fundit.
