Mega-skandali fiskal në Greqi: 206 milionë euro borxhe, 1 283 persona nën hetim dhe 16 të arrestuar

Një nga dosjet më të mëdha të evazionit fiskal në historinë gjyqësore greke është zbuluar në Selanik dhe Halkidiki.

Autoritetet kanë arrestuar 16 persona, ndërsa hetimet përfshijnë 1 283 individë dhe 917 kompani, me detyrime të papaguara që kalojnë 206 milionë euro.

Sipas medias greke “Zougla”, dosja voluminoze i është dorëzuar Prokurorisë së Shkallës së Parë në Selanik më 7 nëntor 2026. Hetimet vijojnë dhe, sipas raportimeve, numri i të arrestuarve mund të arrijë deri në 50 persona.

Në dosje përmenden edhe emra të njohur të biznesit dhe jetës së natës në Selanik. Një prej tyre është biznesmeni Ilias Violidhis, i cili dyshohet se kontrollonte një numër të konsiderueshëm biznesesh.

Lexo gjithashtu

Raporti i Antimafias italiane: Grupet kriminale shqiptare në tryezën e mafies, ulen si të barabartë me Ndrangheta-n dhe Cosa Nostra

Rritet bilanci i viktimave në aksidentin hekurudhor në Egjipt. Shkon në 7 numri i të vdekurve, 112 të plagosur

Autori i sulmit në Krakov, bindje të së majtës radikale dhe antifashist? Ja detajet

Kompania e Mira Muratit pranë një financimi prej 5 miliardë dollarësh

Sipas hetimeve, ai dhe nëna e tij 81-vjeçare kishin në pronësi 17 kompani, me detyrime rreth 4,68 milionë euro.Hetuesit kanë zbuluar gjithashtu një skemë të dyshuar për transferimin e aktivitetit ekonomik në kompani të reja, në 14 prona premium në Selanik.

Sipas dyshimeve, bizneset kalonin nga shoqëri të zhytura në borxhe te kompani të reja, ndërsa pronësia dhe administrimi regjistroheshin në emra të tjerë. Nëna e biznesmenit rezultonte aksionere kryesore në disa prej tyre.