Një 74-vjeçar ka mbetur i plagosur mbrëmjen e sotme si pasojë e një aksidenti rrugor në aksin Levan–Vlorë, në rrugën e vjetër.
Aksidenti është regjistruar rreth orës 18:00, ku një automjet i drejtuar nga një 58-vjeçar, me inicialet A. B., dyshohet se ka përplasur këmbësorin A. Sh., 74 vjeç, banues në fshatin Levan.
I moshuari është transportuar drejt Spitalit Rajonal të Fierit, ku po merr ndihmën e nevojshme mjekësore.
Ndërkohë, drejtuesi i automjetit është shoqëruar në Komisariat për veprime të mëtejshme procedurale. Pas testit të alkoolit, rezultoi se ai nuk kishte konsumuar pije alkoolike.
Grupi hetimor ndodhet në vendngjarje dhe po vijon hetimet për të zbardhur plotësisht rrethanat dhe shkaqet e aksidentit.
