Deputetët e Partisë Demokratike kanë mbajtur një qëndfrim të njejtë në të gjitha Komisionet Parlamentare që kanë zhvilluar këtë të hënë. Duke shprehur mbështetje të protestës së studentëve, deputetët demokratë gjatë mbledhjeve kanë dënuar dhunën e ushtruar ndaj protestuesve teksa e kanë cilësuar si dhunë të regjistruar me urdhër politik.
Grupi Parlamentar i Partisë Demokratike ka deklaruar se sipas tyre zgjidhja e krizës së rëndë politike, ekonomike e sociale është largimi i kryeministrit Edi Rama. Ata gjithashtu theksojnë se duhet të krijohet një qeveri kujdestare, që do të garantojë zhvillimin e zgjedhjeve të lira dhe të ndershme.
