Edhe të rinjtë e Laçit i janë bashkuar protestës së studentëve dhe nxënësve që po zhvillohet në disa qytete të vendit.
Gjatë tubimit në Laç, situata është shoqëruar me dëmtime në ambientet e një gjimnazi. Në pamjet e publikuara shihen disa të rinj që godasin dhe thyejnë portën e shkollës, ndërsa në godinë janë thyer edhe xhamat.
Incidenti ka shkaktuar dëmtime materiale në ambientet e institucionit arsimor, ndërsa ende nuk ka informacion të konfirmuar nëse ka persona të lënduar apo nëse policia ka ndërhyrë për të identifikuar përgjegjësit.
Protestat e të rinjve vijojnë në disa qytete të vendit, ndërsa incidentet me dëmtime të pronës janë kthyer në një tjetër zhvillim të raportuar gjatë tubimeve.
