I kërkuar nga Kievi për trafik droge dhe organizatë kriminale, arrestohet në Rinas! Ambasada e SHBA-së ndan detajet

Një shtetas ukrainas, i shpallur në kërkim nga autoritetet e Kievit për dyshime lidhur me trafikimin e lëndëve narkotike dhe aktivitetin e një organizate kriminale, është arrestuar në Aeroportin Ndërkombëtar të Tiranës në Rinas.

Arrestimi i tij u bë i mundur falë shkëmbimit të informacionit dhe bashkëpunimit mes autoriteteve shqiptare, Ambasadës së SHBA-së në Tiranë dhe homologëve ukrainas.

Lajmin e ka bërë të ditur Ambasada Amerikane, e cila njofton se shtetasi ukrainas është identifikuar si Anatolii Streletskyi. Sipas selisë diplomatike, pas shkëmbimit të informacionit me Njësinë e Hetimeve Penale Ndërkombëtare të Shërbimit të Sigurisë Diplomatike pranë Ambasadës së SHBA-së në Tiranë, Policia e Shtetit bëri të mundur arrestimin e shtetasit ukrainas.

Ambasada Amerikane e cilësoi operacionin si një shembull të bashkëpunimit ndërkombëtar në luftën kundër krimit transnacional, përmes shkëmbimit të informacionit dhe mbështetjes së autoriteteve ligjzbatuese. Bashkëpunimi në kohë reale përtej kufijve ndihmoi në ndalimin e një të dyshuari në kërkim në Aeroportin Ndërkombëtar të Tiranës.

“Pas shkëmbimit të informacionit me Njësinë e Hetimeve Penale Ndërkombëtare të Shërbimit të Sigurisë Diplomatike pranë Ambasadës së SHBA në Tiranë, Policia e Shtetit arrestoi shtetasin ukrainas Anatolii Streletskyi.

Lexo gjithashtu

Tensione e përplasje në protestat në Paris, dhjetëra mijëra në sheshet e vendit

Progres-Raporti i KE: Shqiptarët paguajnë nga xhepi 48% të shpenzimeve shëndetësore, 3 herë më shumë se mesatarja e BE

Skenarët për Iranin, Izraelin e Ukrainën/ Çfarë do të ndodhë me vatrat e luftës në botë pas zgjedhjeve të mes mandatit në SHBA?

“Ekspertiza e pavlefshme’/ Seanca në GJKKO, Kryemadhi kërkon thirrjen si dëshmitarë të Ramës e Agaçit

Ai kërkohej nga autoritetet në Kiev nën dyshimin për trafikim të lëndëve narkotike si pjesë e një organizate kriminale.

Interpol Tirana po bashkëpunon me homologët ukrainas për të nisur procedurat e ekstradimit.

Kështu vihet në jetë partneriteti ynë: duke shkëmbyer informacion, duke mbështetur autoritetet e zbatimit të ligjit dhe duke punuar së bashku për të luftuar krimin transnacional dhe për të garantuar sigurinë e komuniteteve tona.”, thuhet në njoftimin e Ambasadës.

Streletskyi kërkohej nga autoritetet në Kiev nën dyshimin për trafikim të lëndëve narkotike, të kryer në kuadër të një organizate kriminale. Ndërkohë, Interpol Tirana po bashkëpunon me autoritetet ukrainase për nisjen e procedurave të ekstradimit.