Një punonjëse 28-vjeçare e Institutit Antiplague në Irkutsk në Siberi, vdiq më 2 tetor pas një pneumonie të rëndë me shkak ende të paqartë. Rreth 200 persona që kishin pasur kontakt me të janë vënë nën vëzhgim/karantinë.
Drejtori i institutit të Irkutskut, Sergey Balakhonov, kishte marrë pjesë disa javë më parë në një stërvitje ruso-kineze në Kinë, ku simulohej reagimi ndaj një sëmundjeje shumë të rrezikshme, përfshirë një skenar të murtajës së importuar dhe “Disease X”.
Lidhur me këto zhvillime, Alex Jones, komentator amerikan dhe themelues i InfoWars, ka hedhur dyshime se bëhet fjalë për një skenar ku një sëmundje do të sillej nga jashtë, si në rastin e Chapel Hill, në Karolinën e Veriut, dhe do t’i faturohej Kinës.
“Në stërvitje përfshihej edhe e ashtuquajtura “Disease X”, një sëmundje e panjohur që mund të shkaktojë një epidemi. Vetëm pak javë më vonë, një punonjëse vdiq nga një sëmundje e papritur dhe tani rusët po kryejnë kontrolle. Po thonë se qindra persona janë vendosur në karantinë. Kjo e ndryshon të gjithë mënyrën se si duhet parë kjo histori. Situata nuk duket aspak e mirë.”, thekson ai në videon e hedhur në rrjet.
“Shkencëtarët kanë arritur përparime në zhvillimin e një vaksine të re kundër murtajës vdekjeprurëse. Bëhet fjalë për murtajën pneumonike ose atë bubonike.
Është i njëjti bakter, por mënyra e infektimit ndryshon: mund të infektohesh nga pickimi i një pleshti ose përmes thithjes së grimcave të infektuara, në rastin e murtajës pneumonike. Dhe ndërkohë ‘faleminderit Zotit që Izraeli po punon për këtë çështje, thotë prezantuesi, duke iu referuar zhvillimeve për një vaksinë kundër murtajës.“Ky është një momentim shumë i përshtatshëm”, komenton ai.
Lexo gjithashtu
Incidenti në laboratorin rus, Rubio-Moskës: Të ndahet informacioni me botën
Jones e krahason këtë me debatet e mëparshme rreth origjinës së COVID-19, duke përmendur laboratorin në Chapel Hill, në Karolinën e Veriut, dhe Wuhanin në Kinë.
Ai pretendon se ngjarjet e mëparshme janë përdorur për t’ia atribuar përgjegjësinë Kinës.
Më tej gjatë videos, komentatori përmend Bill Gates, duke thënë se ai kishte paralajmëruar për një pandemi të re, dhe pyet nëse zhvillimet e tanishme po fryhen qëllimisht apo nëse ekziston një kërcënim real.
